किनवट येथील दोन लाचखोर महिला तलाठी 16 हजाराची लाच घेताना लाचलुचपत विभागाच्या जाळ्यात….

किनवट/माहूर

   वडीलोपार्जीत शेतजमीनीपैकी अर्धी जमीन कुटुंबातील एकाच्या नावावर करण्यासाठी सतरा हजाराच्या लाचेेेची मागणी करून तडजोडीअंती स्विकारणा-या किनवट तालुक्यातील दोन महिला तलाठी लाचलुचपत विभागाच्या जाळ्यात अडकल्या असून यामुळे किनवट व माहुर तालुक्यातील महसूल विभागात एकच खळबळ उडाली आहे…

दरम्यान याप्रकरणी ४७ वर्षीय एका तक्रारदाराने लाचलुचपत प्रतिबंधक विभागाकडे दिलेल्या तक्रारीनुसार यातील आरोपी लोकसेवक भाग्यश्री भीमराव तेलंगे, वय 34 वर्षे, पद तलाठी, सज्जा निचपूर ,ता. किनवट, जिल्हा नांदेड तसेच सुजाता शंकर गवळे वय 25 वर्षे,  पद तलाठी, सज्जा कणकवाडी, ता. किनवट, जिल्हा नांदेड यांनी यातील तक्रारदार यांचे वडिलोपार्जित 7 एकर शेतजमीनीपैकी अर्धी शेती म्हणजेच साडे तीन एकर शेती तक्रारदार यांच्या पत्नीच्या नावावर करण्यासाठी तलाठी कार्यालयात अर्ज दाखल केला होता.. त्यासाठी तलाठी तेलंगे यांनी प्रथम चाळीस हजार रुपये व तडजोडी अंती 17000/_ रूपये लाचेची मागणी केली होती. त्यामुळे तक्रारदाराने दि. 29/05/2025 रोजी लाचलुचपत विभागाकडे तक्रार केली होती…

दरम्यान आज दि. ३ जुून रोजी पंचासमक्ष लाचमागणीची पडताळणी केली असता, यातील तक्रारदार लोकसेविका तलाठी तेलंगे व तलाठी गवळी यांना भेटले. त्यावेळी तलाठी तेलंगे यांनी तक्रारदार यांना तलाठी गवले यांना भेटा असे सांगून त्यांच्या कडे पाठविले. तेव्हा तलाठी गवले यांनी तक्रारदार यांची फाईल घेऊन तलाठी तेलंगे यांना दाखवून त्यांना बोलून परत आले व तेलंगे मॅडम ज्याप्रमाणे सांगतात त्याप्रमाणे करा असे म्हणाल्या… त्यानंतर  तक्रारदार यांनी तलाठी तेलंगे यांना कामाचे विचारले असता, तेव्हा तलाठी तेलंगे म्हणाले की त्यादिवशी सांगितले, त्यापेक्षा 3 हजार कमी केले. त्यावेळी तक्रारदार त्यादिवशी सतरा हजार म्हणले होते असे बोलले, तेव्हा तलाठी तेलंगे यांनी तलाठी गवले यांची समक्ष अठरा हजार रुपये असे म्हणाल्या. तेव्हा तक्रारदार यांनी आता अठरा हजार आणू की सोळा हजार असे म्हणाले. तेव्हा तलाठी तेलंगे यांनी सोळा हजार असे म्हणून स्वतः साठी व तलाठी गवले यांच्या साठी लाचेची मागणी करून लाच स्वीकारताना मिळून आले आहेत…   तथापि, आज दि. 03/06/2025 रोजी लाच स्वीकृती सापळा कार्यवाही आजमावली असता, तक्रारदार यांच्या कडून लोकसेविका तलाठी तेलंगे आणि गवळी यांनी लाचेची रक्कम 16000/_ रुपये स्वीकारताना रंगेहात मिळून आले आहेत…

सदर प्रकरणी आरोपीचे अंग झडतीमध्ये एक Vivo कंपनी चा आणि एक relame कंपनी चा मोबाईल. तसेच भाग्यश्री तेलंगे यांच्या ताब्यातून नगदी 6620 रुपये आणि सुजाता गवळी यांच्या ताब्यातून नगदी 18820 रुपये मिळून आले आहेत..तर आरोपी लोकसेवक यांचे किनवट व नांदेड येथील राहते घराची घरझडती सुरू सुरू असून तलाठी तेलंगे आणि गवळी  यांचेविरुद्ध पो.स्टे. किनवट, जि. नांदेड येथे  भ्रष्टाचार प्रतिबंधक अधिनियम अन्वये गुन्हा दाखल करण्याची प्रक्रिया सुरू आहे… याप्रकरणी आरोपी लोकसेवक यांना ताब्यात घेण्यात आले असून पुढील तपास सुरू आहे…