“कॉपी-पेस्ट पत्रकारांचा सुळसुळाट; आता नेतेही पत्रकार ; पत्रकार फक्त पोस्टमन.?” ;’लेखणी हरवली, आता फक्त ‘फॉरवर्ड’चाच धंदा…!”

 एवढेच नव्हे तर वरील दोन्ही तालुक्यात सध्या पत्रकारितेच्या क्षेत्रात एक नवीन क्रांती घडल्याचे दिसून येत असून ही क्रांती पत्रकारितेतील अभ्यास, तथ्य, पडताळणी किंवा जनहितासाठी नसून थेट “व्हॉट्सॲप विद्यापीठा”च्या अभ्यासक्रमातून व आयत्या बातम्या बनवून देणा-या काही मोबाईल अँप्लीकेशनच्या  साह्याने काही ‘फकाट व लुचाट’ नेतेमंडळीही स्वत:चा उदो उदो करण्यासाठी हातभर बातमी लिहून घेवून ती जशीच्या तशी ‘कॉपी पेस्ट’ विषयातून पदवीधर झालेल्या नमुन्यांना पाठवून स्वत:ची पाठ स्वत:च थोपटून घेताना दिसत आहेत. यातून पत्रकारितेचे एक नवीन मॉडेल उदयास आल्याचे दिसून येत असून त्यात काही नेते, पदाधिकारी आणि स्वयंघोषित समाजसेवक स्वतःच स्वतःची बातमी लिहून  पत्रकारांना पाठवत असल्याचे चित्र दिसून येत आहे. तथापि, पूर्वी पत्रकार एखाद्या नेत्याच्या कार्याचा आढावा घेऊन बातमी लिहायचा. आता मात्र परिस्थिती उलटी झाली असून सध्या काही नेतेच स्वतःची स्तुती करणारी बातमी तयार करतात, स्वतःचे फोटो निवडतात, स्वतःच मथळा ठरवतात आणि नंतर पत्रकारांना फक्त “हे जसंच्या तसं टाका” अशा विनंत्या करताना दिसून येत आहेत.

“एकंदरीतच जागतिक स्तरावरील जगातील 180 देशांच्या यादीत भारतीय पत्रकारीतेची रँक 157 या एवढ्या खालच्या पातळीवर का आहे..? याचे प्रत्यक्ष उत्तर किनवट व माहूर तालुक्यातील ‘भंकस’ पत्रकारीतेवरून दिसून येत असून, स्थानिक पत्रकारितेतील आजची प्रत्यक्ष परिस्थिती पाहता पत्रकारितेचे अस्तित्वच धोक्यात आल्याचे दिसून येत आहे. त्यामुळे पत्रकार व पत्रकारीतेचे भविष्य अबाधित ठेवण्यासाठी आता सरकार कडून कठोर व व्यापक कायदे करण्याची ख-या अर्थाने आवश्यकता निर्माण झाली असून भारतीय लोकशाहीच्या चौथ्या आधारस्तंभाच्या प्रतिष्ठेेेचा अक्षरश: कचरा करणा-या कॉपीपेस्ट व फॉरवर्डकार पत्रकारांना समाजाने आता ओळखणे अत्यंत गरजेचे बनले आहे. त्याचबरोबर “पत्रकार” आणि पत्रकारीतेचे भविष्य जपायचे असेल तर पत्रकारीता क्षेत्रात व्यापक अभ्यासक्रमासह कठोर कायदे तसेच पत्रकार होण्यासाठी विशिष्ट अभ्यासक्रमासोबतच हवे असलेल्या इतर संबंधित माहितीसंदर्भातील महत्वपुर्ण परिक्षा घेण्याची गरज निर्माण झाली आहे.  अन्यथा सुरू असलेल्या ‘भंकस’, ‘निर्लज्ज’ व ‘चाटू’  पत्रकारीतेत यत्किंचितही सुधारणा होणार नसल्याचे ठाम मत जानकार व सुजाण नागरिक व्यक्त करीत आहेत…