श्रीक्षेत्र माहूरमध्ये कथित ‘भोंदू साम्राज्या’वर तक्रारीचा बॉम्ब..! दलित कुटुंबाच्या शेतजमीनीवर स्वयंघोषित राष्ट्रसंताचे दिखाऊ साम्राज्य..!!

“विशेष म्हणजे काही बोलक्या ‘पोपटांच्या’ मदतीने स्वतःभोवती “राष्ट्रसंत” अशी प्रतिमा उभी करण्याचा प्रयत्न सुरू असल्याचा घणाघाती आरोप तक्रारदार केशव भगत यांनी आपल्या तक्रारीत केला असून अध्यात्माच्या नावाखाली केवळ व्यक्तीपूजेचा सोहळा दैनंदिन स्वरूपात सुरू सुरू असल्याचा आरोप केला आहे. तर संबंधित आश्रमात कथित अध्यात्मापेक्षा राजकीय नेत्यांचे आगमन, सत्कार, स्वागत समारंभ, व्यासपीठीय कार्यक्रम आणि फोटोसेशन अधिक होत असल्याची केवळ चर्चाच नव्हे तर रोजनिशी असल्याचे सर्वश्रुत आहे. त्यामुळे “हे आध्यात्मिक केंद्र आहे की राजकीय प्रतिमा घडविण्याची प्रयोगशाळा..? असा उपरोधिक सवालही उपस्थित होत असून याबाबत स्थानिकांमध्ये अशीही चर्चा रंगत आहे की, आश्रम परिसरात समाजकार्यापेक्षा राजकीय बडेजाव, व्हीआयपी संस्कृती आणि व्यक्तीपूजेचे प्रदर्शन जास्त दिसून येते… परिणामी अन्नदानाचा पैसा नेमका कोणाचा..? जनतेला या उत्तरासोबतच देणगीदार कोण..?.. निधीचा स्रोत काय..?.. हिशोब कोणाकडे आहे..?.. आर्थिक व्यवहारांची नोंद आहे का..? या प्रश्नांची स्पष्ट, अधिकृत आणि पारदर्शक माहिती अद्याप जनतेसमोर नसल्याचा दावा निवेदनकर्त्याने केला आहे. तथापि, “जर सर्व व्यवहार स्वच्छ असतील, तर आर्थिक तपशील सार्वजनिक करण्यात अडचण काय..?” असा थेट सवाल प्रशासनाला विचारण्यात आला आहे…