माहूर तहसील कार्यालयात पिण्याच्या पाण्याची बोंबाबोंब ; लघुशंकागृह देखील अदृष्य….

    माहूर तहसील कार्यालयात पिण्याच्या पाण्याची सर्वत्र बोंबाबोंब दिसून येत असून पिण्याचे पाणी तसेच लघुशंकागृहाअभावी प्रशासकीय कामांसाठी येणा-या नागरीकांची  प्रचंड गैरसोय होत असल्याने महागडे व  बाटलीबंद पाणी पिणा-या तहसीलदार व अधिका-यांना सर्वसामान्यांना पिण्यासाठी साधे पाणी देखील ठेवण्याची सद्बुध्दी सुचत नाही का..? असा संतप्त सवाल नागरीकांतून विचारला जात आहे…

 “खास बाब म्हणजे माहूरचे तहसीलदार किशोर यादव यांना नागरीकांच्या अडचणींबाबत पत्रकारांसह अनेक नागरीकांनी अनेकवेळा भ्रमणध्वनीवरून संपर्क केला असता …फोन न उचलणे… व नंबर ब्लॅक लिस्ट मध्ये टाकणे… या त्यांच्या अँटीट्यूडची प्रचिती सर्वसामान्यांना अनेकवेळा आली असून त्यांच्या ‘त्या’  फोन कॉल न घेण्याची चर्चा आता चवीने होवू लागली आहे..  त्यांना केले जाणारे फोन कॉल हे केवळ “हाय..हँलो” करण्यासाठीच नसून नागरीकांच्या विविध समस्यांच्या निराकरणासाठी केले जातात. ही बाब त्यांच्या मश्तिष्कात खोलवर रूजवण्यासाठी खास करून जिल्हाधिकारी महोदयांनी माहूर तहसिलदारांच्या या जटील आजारावर रामबाण औषधोपचार करून नागरीकांच्या समस्या सोडवण्यास पुढाकार घ्यावा अशी माफक अपेक्षा सर्वसामान्य नागरीक बाळगून आहेत…