माहूर येथील लॉज मध्ये अल्पवयीन मुलीवर बलात्कार..? ; तरुणीच्या तक्रारीवरून 31 वर्षीय डॉक्टरवर बलात्काराचा गुन्हा”

किनवट/माहूर

 तरुणाई भरकटण्याची भीती….!

      माहूर हे तीर्थक्षेत्राचे ठिकाण असून या ठिकाणी दर्शनाच्या निमित्ताने मोठ्या प्रमाणात भाविक येत असतात. त्या मुळे येथे मोठ्या प्रमाणात लॉजिंग व्यवसाय फोफावला आहे. यातील काही ठराविक हॉटेल आणि लॉजींग व्यावसायिक सहज तरुण तरुणींना ओळपत्राची तपासणी न करता लॉज मध्ये रूम उपलब्ध करून देतात. तर अनेक ठिकाणी तरुणाईसह जोडप्यांना प्रायव्हसी मिळत असल्याने त्यांची पसंती काही ठरावीक हॉटेल लाँज ला मिळत आहे. मात्र या गर्दीत अल्पवयीन मुले मुलीही दिसत असल्याने शिक्षणाच्या नावाखाली घराबाहेर पडल्यानंतर त्यांची पावले या लाँज व हॉटेलकडे वळतात. विशेषतः महाविद्यालयीन विद्यार्थ्यासह अल्पवयीन मुला-मुलींचाही वावर वाढलेला दिसतो. एकंदरीतच एकांतवासात प्रेमाच्या लाटेवर तरंगत असलेल्या तरुणाईचे पाऊल चुकीच्या दिशेने वळण्याची भीती जाणकार नागरिकांमधून व्यक्त होत आहे…

“विशेष म्हणजे माहूर येथे मराठवाडा व विदर्भातील अनेक ठिकाणच्या देहविक्री करणा-या महिला दररोज माहूर शहरात दाखल होवून शहरातील विविध ठिकाणच्या लॉजींगवर अर्थपुर्ण जाळे टाकून आपल्या सावजाला अचूक हेरतात. तर लॉजींग चालकांचेही “कमी वेळेत जास्त उत्पन्न” हेच सुत्र आहे… या परिस्थितीत माहूरच्या एका लॉजवर माहूर तालुक्यातील एक रेती तस्कर व देहविक्री करणा-या एका अर्धवयीन महिलेता व्हिडीओ तत्कालीन वेळी सोशल मिडीयावर वायरल झाल्यानंतर आमच्या वृत्तवाहीनीने त्यासंदर्भात सडेतोड वृत्त प्रकाशित करून लॉजींग चालकांच्या अनैतिक व्यवसायाचे धिंडवडे काढले होते. परंतू या घटनेने नजरेआड गेलेला माहूर मधील लॉजींग व्यवसाय पुन्हा एकदा नजरेसमोर आला असून माहूर पोलीस ठाण्यात नुकतेच रूजू झालेले पोलीस निरिक्षक या अनैतिक व्यवसायावर अंकुश ठेवतील काय..? असाही प्रश्न यानिमित्ताने उपस्थित केला जात असून माहूर पोलीस ठाण्याच्या हद्दीतील कायदा व सुव्यवस्थेची विस्कटलेली घडी पोलीस निरिक्षक कराड यांनी पुन्हा नीट बसवावी अशी माफक अपेक्षा जनसामान्य बाळगून आहेत….