उर्दू शिक्षक बदल्याने नवी आबादी शाळेतील टंचाई दूर….

(महाराष्ट्र न्युज नेटवर्क)

किनवट/माहूर 

गेल्या दोन वर्षांपासून उर्दू शिक्षकांच्या कमतरतेने त्रस्त असलेल्या जिल्हा परिषद प्राथमिक नवी आबादी शाळेला अखेर उर्दू शिक्षक मिळाले आहेत. समितीचे अध्यक्ष सिराज रजा यांनी गेल्या दोन वर्षांपासून संबंधित अधिकार्‍यांना वारंवार पत्र देऊन शिक्षकांची मागणी केली होती. त्यांच्या सातत्यपूर्ण पाठपुराव्यामुळे अखेर ही मागणी पूर्ण झाली आहे…

केंद्रीय शाळा माहूर येथून विनंती बदलीद्वारे ज्येष्ठ उर्दू शिक्षक लियाखत आली सर यांची बदली नवी आबादी शाळेत झाली आहे. त्यांनी आपल्या तीस वर्षांच्या दीर्घ सेवेत असंख्य विद्यार्थ्यांना घडवले असून त्यांच्या शिष्यांपैकी अनेकजण आज डॉक्टर, शिक्षक, व प्रशासकीय सेवेत कार्यरत आहेत. विशेष म्हणजे त्यांच्या सेवाकाळात मी नवी आबादी शाळेतील विद्यार्थ्यांना घडवण्यासाठी पूर्ण समर्पणाने काम करणार असल्यांचेही त्यांनी यावेळी सांगितले..

दरम्यान नवीन शिक्षक रूजू होण्याच्या पार्श्वभुमिवर त्यांच्या स्वागतसमारंभाचा छोटेखानी कार्यक्रम शाळा व्यवस्थापन समितीच्या वतीने मोठ्या उत्साहात आयोजित केला होती…यावेळी शाळा व्यवस्ाापन समितीचे सिराज रजा यांनी शाल व फळांची टोपली देऊन त्यांचा सत्कार केला. या वेळी शाळेच्या मुख्याध्यापिका सौ.ललिता जोशी यांच्यासह एस. एस. पाटील, उर्दू विभागीय शिक्षक जमीर अहमद, सौ. नखाते मॅडम व मुजिब सर उपस्थित होते.