माहूरच्या जीवघेण्या रस्त्यांसाठी पत्रकारांचे प्रशासनाला निवेदन; २८ सप्टेंबरपासून आमरण उपोषणाचा इशारा…

“विशेष म्हणजे माहूर हे महाराष्ट्रातील प्रसिद्ध धार्मिक व पर्यटनस्थळ असून आगामी शारदीय नवरात्रोत्सवात हजारो भाविक माहूरला येणार असताना, शहरातील रस्ते, पथदिवे, दुभाजक आणि वाहतूक सुविधांची दुरवस्था कायम राहिल्यास त्याचा थेट परिणाम भाविकांच्या सुरक्षिततेवर आणि माहूरच्या प्रतिमेवर होणार आहे. त्यामुळे माहूर शहराची ‘आन-बान-शान’ असलेल्या ऐन नवरात्रोत्सवाच्या तोंडावर पत्रकारांना हा प्रश्न दिसतो; आणि प्रशासनाकडे निवेदन देण्याची वेळ येते.. ही खरी शोकांतिका असून जनतेच्या मतांवर निवडून येण्याची स्वप्ने पाहणाऱ्या स्थानिक राजकीय इच्छुकांना हा प्रश्न दिसत नाही..? ‘जनतेच्या सेवेसाठी सदैव तत्पर’ असे शहरातील खांबा-खांबावर फलक लावणाऱ्यांना त्याच खाबावरील बंद असलेल्या पथदिव्यांचा अंधार दिसत नाही का..? ‘विकासाची गंगा आणू’ म्हणणाऱ्यांना खड्ड्यांमधून वाहणारी माहूरकरांची वाहतूक दिसत नाही..?.. मागील अनेक वर्षांपासून शहराची लूट करून आजही सत्तेत असलेले ‘विद्यमान लोकप्रतिनिधी त्याचबरोबर आगामी काळात याचेच स्वप्न पाहणारे भावी नेते…  तसेच “लग्नासाठी तयार असले तरी मुलगीच सापडत नाही, अशी पदाअभावी अवस्था झालेले स्वयंघोषित ‘रंडवे’ नेते आतातरी निवडणूक लागेल..! या अपेक्षेतून ‘चातकाप्रमाणे’ निवडणूकीची वाट पाहत आहेत. तर आजचे बेरोजगार परंतू, भावी जिल्हा परिषद व पंचायत समिती सदस्य’’ असल्याचा आव आणून मागील अनेक वर्षांपासून गुडघ्याला बाशिंग बांधलेल्या स्वयंघोषित नेत्यांना आगामी नवरात्रात माहूरला येणाऱ्या भाविकांच्या सुरक्षिततेची चिंता नाही का..?, असा संतप्त सवाल नागरिकांकडून केला जात असून  ही बाब आगामी निवडणुकांच्या दृष्टीने भावी लोकप्रतिनिधींसाठी पार करणे म्हणजे ‘मैलाचा दगड’ ठरणार हे जवळपास निश्चित माणले जात आहे…