सहायक जिल्हाधिकारी व तहसीलदाराच्या नाकावर टिच्चून वाई बाजार येथील वखार महामंडळाचे बांधकाम चोरीच्या रेतीने धडाक्यात सुरू….

    मागील अनेक महिण्यांपासुन सुरू असलेल्या वाई बाजार येथील किनवट माहूर राष्ट्रीय महामार्गालगत महाराष्ट्र राज्य वखार महामंडळाच्या वतीने सरकारी बांधकाम सुरू आहे…  विशेष म्हणजे याच ठिकाणावरून माहूरचे तहसिलदार किशोर यादव यांच्यासह किनवटचे सहायक जिल्हाधिकारी कार्तिकेयन हे देखील अनेकवेळा मार्गक्रमण करत असतात..यात कळीचा मुद्दा असा की, कोणत्याही शासकीय कामांच्या बांधकामासाठी गौण खनिजाची रॉयल्टी पुर्वीच भरली असल्याचे सांगण्यात येते. परंतू माहूर तालुक्यातील सर्वच रेतीघाट अक्षरश: “सिल” ठोकल्यात जमा असल्याने सदर बांधकामांना सरळ मार्गाने रेती न आणता रात्री-बेरात्री व छुप्या मार्गाने रेती का आणावी लागते..? याचे संशोदन करण्याची गरज असून कर्तव्यनिष्ठतेच्या भन्नाट अविर्भावात वावरत असलेल्या महसूली अधिका-यांना सदरचे सरकारी बांधकाम मागील अनेक महिण्यांपासून रेतीविना सुरू आहे ते कसे..? किंबहूना सदर बांधकामावर वापरल्या जाणा-या रेतीची रॉयल्टी यापुर्वीच शासनाकडे भरली असेल तर त्याची खातरजमा करत येत असलेली रेती नेमकी आली कुठून याची साधी विचारपुसही करण्याची तसदी महसूली अधिका-यांनी घेतली नसल्याने माहूरचे तहसीलदार व सहायक जिल्हाधिका-यांच्या कार्यप्रणालीवर थेट प्रश्नचिन्ह उपस्थित होत आहेत.. परिणामी सहायक जिल्हाधिकारी व माहूरचे तहसीलदार यांचे ‘खायचे दात वेगळे…अन् दाखवायचे दात वेगळे..! असे तर नाही ना..? असा सवाल सर्वसामान्यांना पडला आहे…