वाई बाजार प्राथमिक आरोग्य केंद्रात कुटुंब कल्याण शस्त्रक्रिया शिबीर संपन्न…

किनवट/माहूर

   माहूर तालुक्यातील महत्वाचे प्राथमिक आरोग्य केंद्र असलेल्या वाई बाजार येथील प्राथमिक आरोग्य केंद्रात आज  दि. २७ जाने. रोजी नांदेड जिल्हा परिषदेच्या अतिरिक्त जिल्हा आरोग्य अधिकारी डॉ. सलमा हिराणी व वरिष्ठांंच्या मार्गदर्शनाखाली येथील आरोग्य केंद्राचे वैद्यकीय अधिकारी डॉ. अश्विनी जाधव यांच्यासह माहूर पंचायत समितीचे आरोग्य विस्तार अधिकारी आर.एस. गावंडे (पाटील), आरोग्य सहाय्यक डी.के.जोशी, प्रयोगशाळा वैज्ञानिक अधिकारी लक्ष्मण जोगपेठे, औषध निर्माण अधिकारी सुरेश ढगे, आरोग्य सहाय्यक डी.जे.राठोड तसेच आरोग्य कर्मचा-यांच्या पुढाकाराने येथे कुटुंब कल्याण शस्त्रक्रिया (लॅप्रोस्कोपी शस्त्रक्रिया) शिबिर आयोजित करण्यात आले होते.  या शिबिरात एकूण २९ लाभार्थ्यावर लॅप्रोस्कोपी शस्त्रक्रिया करण्यात आली असून ही शस्त्रक्रिया किनवट येथील साने गुरुजी रुग्णालयाचे प्रसिद्ध सर्जन डॉ.अशोक बेलखोडे यांनी केली.