हरडफ शिवारात गोठ्यातील गायीवर हिंस्त्र वन्यप्राण्याचा हल्ला ; गायीचा पाडला फडशा…

माहूर तालुक्यातील मौजे हरडफ शिवारातील गणेश रामराव टनमने यांचे शेत सर्वे नं. 97 मध्ये  जनावरांसाठी गोठा बांधलेला आहे.. त्यामुळे शेतावरील दैनंदिन कामे आटोपल्यानंतर पाळीव जनावरांना ते शेतातील गोठ्यावरच बांधतात.. तथापि काल दिनांक 22 फेब्रुवारी रोजी शेतातील दैनंदिन कामे आटोपून झाल्यानंतर जनावरांना शेतातील गोठ्यात बांधून ते घरी गेल्यानंतर रात्री साडेबाराच्या सुमारास गोठ्यात बांधलेल्या गाईवर अज्ञात हिंस्त्र पाण्याने हल्ला केला असून या हल्ल्यात या हल्ल्यात गाईच्या जागीच फडश्या पडल्याचे चित्र आज दिसून आले.. सदर प्रकरणी संबंधित शेतकऱ्याने माहूर वनविभागाकडे तक्रार करून घटनेची माहिती दिल्याचे सांगितले असून झालेल्या नुकसानीच्या भरपाईची मागणी वनविभागाकडे केली असल्याचे सांगितले आहे… तर वनविभागाच्या कर्मचाऱ्यांकडूनही घटनास्थळावर जाऊन सदर घटनेची सखोल माहिती घेऊन पंचनामा केल्याचे कळते…

“विशेष म्हणजे माहूर तालुक्यातील वाई बाजारसह मदनापुर, हरडफ, गोकुळ, गोंडेगाव, मच्छिंद्र पार्डी, आष्टा, माहूर, यासह तालुक्यातील अनेक गावात यापूर्वीही जंगलातील हिंस्त्र प्राण्यांनी पाळीव जनावरांवर हल्ला केला आहे.. त्यातच उन्हाळ्याची चाहूल लागत असतानाच जंगलातील पाण्याचे स्त्रोत संपुष्टात येत असल्याने हिंस्त्र वन्यप्राणी पाण्यासाठी गावकुुसाकडे वाटचाल करीत आहेत… यामुळे पाळीव जनावरांसोबतच मानवी जीवालाही धोका निर्माण झाला असून यावर उपाययोजना करणे ही काळाची गरज बनली आहे.. त्यामुळे माहूर वनविभागाने या घटनेपासून बोध घेऊन तातडीने उपाययोजना करावी.. तसेच हिंस्त्र प्राण्यांचा बंदोबस्त करून नुकसानग्रस्त शेतकऱ्याला तातडीने शासकीय मदत मिळवून देण्याची पुढील कर्तव्य बजावावे.. अशी माफक अपेक्षा शेतकरी वर्ग बाळगून आहे…