किनवट/माहूर

  लाखो भाविकांचे श्रद्धास्थान असलेल्या श्रीक्षेत्र माहूरगडावर नवरात्रोत्सवाच्या गर्दीत व्हीआयपी दर्शनाचा विषय पुन्हा वादाच्या भोवऱ्यात सापडला असून, एकीकडे सामान्य भाविक तासन् तास रांगेत उभे राहून दर्शनाची प्रतीक्षा करताना दुसरीकडे व्हीआयपींच्या वाहनताफ्यांमुळे सार्वजनिक रस्ते अडवले जात असल्याचा संतापजनक प्रकार आज दि. 19 रोजी माहूरगडावर समोर आल्याने तेलंगणातील एका आमदारासह महाराजांच्या ताफ्यातील सुमारे सात वाहनांमुळे वाहतुकीचा खोळंबा झाल्याचा आरोप असून, या प्रकाराने संतप्त झालेल्या एका भाविकाने संबंधित आमदाराच्या वाहनाची चक्क काच फोडल्याची घटना घडल्याने माहूरगडावरील वाहतूक नियोजन आणि व्हीआयपींना दिल्या जाणाऱ्या कथित झुकत्या मापाचा प्रश्न ऐरणीवर आला आहे.

विशेषत: नवरात्रोत्सवात माहूरगडावर प्रचंड गर्दी होत असताना वाहनतळ, प्रवेशमार्ग, बाहेर पडण्याचे मार्ग आणि व्हीआयपी वाहनांच्या हालचाली यांचे काटेकोर नियोजन करण्यासाठी मा. जिल्हाधिकारी महोदयांनी संपुर्ण लवाजम्यासह बेठक घेवून याबाबतचे संपुर्ण नियोजन केल्याच्या बातम्या अनेक माध्यमातून प्रकाशित झाल्या… तथापि, प्रशासनाने सर्व नियोजन केले असेल..? तर मग व्हीआयपींच्या वाहनांसाठी स्वतंत्र पार्किंग, निश्चित प्रवेशमार्ग आणि वाहतूक नियंत्रणासाठी पुरेसे कर्मचारी तैनात करणे याप्रकारच्या नियोजनात स्थानिक प्रशासन नेमके कुठे कमी पडले.? हा कळीचा मुद्दा असून शेकडो कोटींची उलाढाल असलेल्या नवरात्रोत्सवाच्या निमित्ताने येणा-या भाविकांच्या श्रद्धेचा आदर करायचा असेल, तर त्यांच्या वेळेचा, सुरक्षिततेचा आणि प्रवासाच्या सोयीचाही आदर करावा लागेल..! हेच प्रशासनासाठी बाध्य आणि अत्यावश आहे… परंतू, दर्शनासाठी आलेल्या भाविकांना केवळ व्हीआयपींच्या वाहनांमुळे तासन्तास रस्त्यावर अडकावे लागत असेल तर प्रशासनासह उत्सव व्यवस्थापनाच्या दाव्यांच्या कसोट्या आणि त्यांनी केलेल्या खोट्या दाव्यांची कसोटी लागणे स्वाभाविकच आहे. त्यामुळे प्रशासनाने केवळ गर्दी मोजूून निश्चिंत राहण्यापेक्षा जबाबदारीही निश्चित करून परिस्थितीशी समर्पक राहण्याची खरी गरज होती.. हे सर्वसामान्य भाविकांचे मत असून वाहतूक नियंत्रणासाठी नेमके कोणते कर्मचारी तैनात होते..? आणि अडथळा दूर करण्यासाठी वेळेत कार्यवाही का झाली नाही..? याची माहिती प्रशासनाने स्पष्ट करणे आता गरजेचे बनले आहे. 

“विशेष म्हणजे, नवरात्रोत्सवाच्या निमित्ताने प्रशासनाने मारलेल्या ‘फुश्यारक्या’ आजच्या घटनेने  जगजाहीर झाल्या असून, प्रशासनाने कितीही फुशारक्या मारल्या तरीही, या संपुर्ण प्रकारात प्रशासन ख-या अर्थाने सजग होते का..? किंबहूना पोलीसांचा अख्खा फौजफाटा उपलब्ध असताना वेळीच याबाबत प्रशासनाने का लक्ष दिले नाही..? सामान्य नागरीक असो वा व्हिआयपी..! याबाबत वस्तुस्थिती समोर असताना व संबंधित वाहन नियमभंग करत असल्याचे दिसून आल्यानंतरही नियमानुसार कारवाई का केली नाही..? एरव्ही सर्वसामान्यांच्या बारा दुचाकी जप्त केल्यानंतर प्रत्येकी तीन हजारांचा दंड वसूल करणा-या माहूर पोलीसांनी या व्हिआयपी आमदार महोदयांच्या वाहनाला किती दंड आकारला..??  हा प्रमुख प्रश्न यानिमित्ताने पुढे येत असून, माहूरगड हे सर्वसामान्यांच्या श्रद्धेचे केंद्र असल्याने येथे सर्वप्रथम भाविकांच्या श्रद्धेला प्राधान्य आहे… त्यामुळे हे केंद्र व्हिआयपींच्या वाहनताफ्यांचे प्रदर्शन करण्याचे ठिकाण नसून, देवीच्या दर्शनासाठी येणारा सामान्य भाविकही तितकाच महत्त्वाचा आहे. हे दर्शविणारे एक ठिकाण आहे हे प्रशासनाने विसरू नये. व्हीआयपींना सन्मान द्या.. पण त्या सन्मानाच्या मोबदल्यात सामान्य भाविकांना वाहतूक कोंडीची शिक्षा दिलेल्या प्रशासनाची ही भुमिका येथे कुचकामी ठरलेली दिसत असून गरीब असो वा श्रीमंत..! सामान्य असो वा व्हिआयपी..!! कायदा आणि नियम सर्वांसाठीच सारखेच आहेे..तर मग अद्यापही माहूर पोलीस ठाण्यात या घटनेबाबत नोंद का नाही…? हा प्रश्न ऐरणीवर आला असून, स्थानिक प्रकरणात एक गुन्हा दाखल झाल्यानंतर त्याच गुन्ह्याची तिव्रता कमी करण्यासाठी किंबहूंना त्यावर कायदेशीर तोड काढण्याच्या हेतूने अवघ्या साडेतीन तासात काउंटर केस म्हणून दुसरा ‘न घडलेला गुन्हा’ दाखल करणारे माहूर पोलीस, व्हिआयपींच्या गाडीची तोडफोड झाल्यानंतरही गप्प का..? दुपारनंतर घटना घडल्याचे दिसून आल्यानंतरही या संवेदनशील घटनेची नोंद वृत्त लिहीपर्यंत माहूर पोलीस ठाण्यात का झाली नाही..? याबाबत सर्वसामान्यांच्या मनात पार संभ्रमाची लाट उसळली असून प्रशासनाच्या नजरेत प्राधान्य नेमके कुणाला..? भाविकांना की व्हिआयपींना..? याबाबत भाविकांमधून संतप्त प्रतिक्रिया समोर येत आहे….