ईतर
वाई बाजार नजीक बस व दुचाकीचा भिषण अपघात ; सालगडी इसमाचा जागीच मृत्यू..
'सारखणी ते माहूर राष्ट्रीय महामार्गावरील वाघाई टेकडीजवळील घटना.."
(महाराष्ट्र न्युज नेटवर्क)
किनवट/माहूर
सारखणी ते माहूर राष्ट्रीय महामार्गावरील बाजार ते साईनगर फाट्याच्या मधोमध आज दि. २० रोजी दु. २ वा. च्या सुमारास बस व दुचाकीच्या भिषण अपघातात एकजण जागीच ठार झाला असून या घटनेने परिसरात हळहळ व्यक्त होत आहे..
आज दि. २० नोव्हेंबर रोजी दुपारी २ वा. च्या सुमारास सारखणी माहूर राष्ट्रीय महामार्गावरील वाई फाटा ते साईनगर दरम्यान हा अपघात झाला. नागपूर वरून किनवट बस क्र. एम.एच. ०६ एस. ८५३२ येत होती. त्याचवेळी आसोली येथील फुलसिंग गुलाब चव्हाण वय ४३ हा वाई बाजार कडून साईनगर च्या दिशेने जात होता. यावेळी सदरचा अपघात झाला. झालेला अपघात एवढा भिषण होता की बसने दुचाकीला अक्षरश: ५० फुटांपर्यंत फरफटत नेल्याची प्रत्यक्ष परिस्थिती दिसून येत असून दुचाकीचालक फुलसिंग गुलाब चव्हाण याचा घटनास्थळावरच मृत्यू झाला आहे… सदरचा मयत इसम हा वाई बाजार येथील प्रतिष्ठीत असलेल्या व्यापा-यांच्या शेतात सालगडी म्हणून कामाला असल्याचे सांगण्यात येत आहे…
घटनेची माहीती मिळताच सिंदखेड पोलीस ठाण्याचे पोलीस कर्मचारी घटनास्थळावर हजर झाले असून पुढील पोलीस प्रक्रिया सुरू आहे….वृत्त लिहीपर्यंत याबाबत अधिकची माहिती मिळू शकली नाही..
