गुंडवळ येथे दलितवस्ती विकास निधीचा गैरवापर प्रकरणी कारवाईची मागणी…

किनवट/माहूर

  माहूर तालुक्यातील गुंडवळ येथील दलितवस्ती विकास निधीचा गैरवापर प्रकरणी ग्रामस्थ आक्रमक झाले असून सदर प्रकरणी सखोल चौकशी करून कार्यवाही करण्याची मागणी करताना संबंधितांवर कारवाई न झाल्यास येत्या 10 मार्च पासून पंचायत समिती कार्यालयासमोर आमरण उपोषण करण्याचा लेखी इशारा ग्रामस्थांनी गटविकास अधिकारी माहूर यांना दिला आहे..

    पंचायत समिती माहूर यांना दि. २ मार्च रोजी दिलेल्या लेखी निवेदनानुसार मौजे गुंडवळ ता. माहूर येथील भारतरत्न डॉ. बाबासाहेब आंबेडकर सामाजिक विकास योजना (सन २०२२-२३) अंतर्गत दलित वस्तीच्या राखीव निधीचा जाणीवपूर्वक गैरवापर करून अपूर्ण व निकृष्ट समाजमंदिर  बांधकाम केल्याची तक्रार करण्यात आली असून या प्रकरणी निष्पक्ष चौकशी करून संबंधितांवर अनुसूचित जाती जमाती प्रतिबंधक कायद्यान्वये कायदेशीर कारवाई प्रस्तावित करण्याबाबतची मागणी लेखी निवेदनातून करण्यात आली आहे…

“विशेष म्हणजे माहूर पंचायत समितीचे तात्कालीन शाखा अभियंता ‘रोडगे’ यांनी आपल्या पदाचा दुरुपयोग करतााना अर्धवट व निकृष्ट दर्जाचे काम पूर्ण झाल्याचे खोटे प्रमाणपत्र तसेच मोजमाप पुस्तिका (MB) शासनास सादर करून खोट्या अहवालाच्या आधारे शासनाची व मा. सचिव, सामाजिक न्याय विभाग, मंत्रालय, मुंबई यांची घोर फसवणूक करून उर्वरित शासकीय निधी लाटण्याचा प्रयत्न केलेला असल्याची गंभीर बाब समोर आली असून हा प्रकार केवळ प्रशासकीय चूक नव्हे तर शासनाच्या राखीव निधीवर टाकलेला सुनियोजित दरोडा असल्याने या सर्व प्रक्रियेतील संबंधित अधिकारी व ठेकेदार यांनी जाणीवपूर्वक दलित वस्तीच्या निधीचा दुरुपयोग करून शासनाची फसवणूक केली हे विवीध कार्यलयीन पत्रांवरून जवळपास निश्चित असल्याचे सांगण्यात आले आहे….