शेतक-यांनो सावधान..!! माहूर तालुक्यात अनेक व्यापा-यांच्या इलेक्ट्रॉनिक वजन काट्यांत ‘सेटींग’ ची उलटफेर….?

किनवट/माहूर

   आसमानी संकटाचा सामान  करून दारिद्र्याच्या खाईत लोटलेल्या शेतकरी राजासमोर शेतकी माल खरेदी करणा-या व्यापा-यांच्या रूपात आणखी एक महाभंयकर, लुटारू संकट पिकवलेल्या मालाची लुट करण्यासाठी उभे ठाकले असून शेतक-यांचा माल घेताना वापरण्यात येणा-या इलेक्ट्रॉनिक वजन काट्याचा आधार घेत त्याच्या सेटींगमध्ये इच्छित फेरफार करून खरेदी करण्यात येणा-या मालावर इच्छित नफा कमावण्याचा नवा ‘फंडा’ वाई बाजारसह, सारखणीं, हिवळणी, वानोळा, तसेच माहूर शहरासह संपुर्ण माहूर तालुक्यात लुटारू व्यापा-यांकडून राबवला जात असल्याची खळबळजनक माहीती समोर आली आहे. याकामी वैधमापणशास्त्र विभागातील अधिका-यांना वेळेवर दिल्या जाणा-या बक्षिसामुळे ‘तेरी भी चुप, मेरी भी चुप..!’ या गोपनीय सुत्रामुळे शेतकीमाल खरेदीच्या नावाखाली व्यापा-यांचे चांगभले तर शेतकरीवर्ग अधिकच दारिद्र्याच्या खाईत लोटला जात असल्याचे भयान वास्तव सध्या वरील ठिकाणासह संपुर्ण माहूर तालुक्यात दिसून येत आहे…

  प्राप्त गोपनीय माहितीनुसार प्रती 10 किलोच्या प्रमाणाला 800 ग्रॅम याप्रमाणे प्रतिक्विंटल मालाला तब्बल 8 किलो एवढा शेतक-यांचा कष्टाचा माल संबंधित व्यापा-यांच्या घशात फुकट जाणार असून इतर स्वरूपात जाणारा जसे की, मॉइश्चर, कट्टी, खराबी व व्यापा-यांकडून लावण्यात येणारी इतर स्वरूपाची कट्टी ही यातील व्यापा-यांचा अधिकचा नफा आहे… 

   विशेष म्हणजे २००९ च्या लीगल मेट्रोलॉजी कायदा आणि त्याचे लीगल मेट्रोलॉजी रूल्स २०११ नुसार वजनकाट्यासंबंधात वजनमाप निरिक्षकाने दिलेले प्रमाणिकरणाचे प्रमाणपत्र वजन काटा ठेवलेल्या जागी दर्शनी भागात लावणे बंधनकारक आहे. सोनेचांदीचा व्यवसाय करणा-या सराफ मंडळींनी किमान क्लास वर्ग दोनचे वजनकाटे वापरण्याचा कायद्याचा दंडक असून डिजीटल काटे हे सिल केलेले असणे अत्यावश्यक आहे.. असे असतानाही वरील बाबींपासून ग्राहक व शेतकरीवर्ग आजही अनभिज्ञ असून व्यापा-यांचे वजनकाटे तपासण्यास येणारी अधिकारी मंडळीदेखील एका ठिकाणी बसून “मोठ्या वजनाची पाकीटे” घेवून जात असल्याचे सांगण्यात येत आहे…