अवैध रेती वाहतूक प्रकरणी किनवटच्या उपविभागीय अधिका-यांचा अफलातून आदेश….!

( बाबाराव कंधारे )

  “एकीकडे दिवसरात्र अवैध रेतीची बिनदिक्कतपणे वाहतूक सुरू असताना सदरची कारवाई झाली असलेल्या पडसा चौफुली या ठिकाणावरून अगदी हाकेच्या अंतरावर असलेल्या पडसा गावातील हजारो ब्रासचे रेतीसाठे तलाठी महोदयांना दिसले नाहीत का..? की दुस-याच कारणासाठी सदर ट्रँक्टरवर केलेली थातूरमातूर कारवाई केवळ जनतेच्या डोळ्यांत धुळफेक करण्यासाठी करण्यात आली…? ट्रँक्टर चालकाला देण्यात आलेली रॉयल्टी पावती त्याने घरी छापली का..? बोगस पावत्या देणा-यांच्या रँकेटमध्ये महसूूल विभागातील काही व्हाईटकॉलर चोरांचा समावेश तर नाही ना..?  याबाबतच्या अनेक प्रश्नांना आता पेव फुटू लागले असून सदरच्या अफलातून आदेशाविरोधात मा. जिल्हाधिकारी यांचे न्यायदालनात विधिज्ञांमार्फत उचित पुराव्यासह शे. जावेद यांनी अपिल दाखल केले आहे. व प्रकरण देखील सुरू होणार आहे. त्यामुळे लवकरच या प्रकरणाची सत्यता बाहेर येवून केलेली कारवाई खरी की दुस-याच काही कारणासाठी..? हे देखील सर्वांसमोर निश्चितपणे येणार आहे…